घरबाट चरमा खस्नु
काकाकुलमै अभिसप्त हुँदोरहेछ
नर वर हो जो काकी चबाउँछिन्
घर भर हो- जहाँ विचरो एक्लो हुन्छ
जिउँदा बा काँध चढ्छन्
पोखरीकै पानी उबाउँछन्
बाआमाले नै छोराछोरी
टुहुरा बनाउँदारहेछन् ।
घरको वन काट्न पाइँदैन
समुद्रलाई ज्वालामुखी फूट्नेगरी
बालुवामा प्वाल पार्ने
हरियो वन नेपालको धन
के तिमीहरूको मात्रै सम्पत्ति हो ?
जिउँदा मान्छेलाई
अक्सिजनको कर्तव्य हिमालको मात्रै हुन्छ ?
हरिया पातमा कानुन बनाउने तिमीहरू को हौ ?
कसले तलब भरिरहेको छ तिमीहरूलाई ?
मेरो माटोको सालमा नाल रोप्ने
तिमीहरूको आवाज कस्तो हुन्छ ?
कागजमा कानुन लेखेर
प्वाल पार्ने कागजी किरा
नक्साले मानिस बन्दैन
माटो चिन, यो बहुत उर्वर हुन्छ ।।
