भरतपुर, १५ वैशाख ।
जापानको ओसाका शहरमा भएको २१ औँ वाटा खुल्ला अन्तर्राष्ट्रिय तेक्वान्दो प्रतियोगितामा अर्किड माविका छात्र सफल लामाले स्वर्ण पदक प्राप्त गरेका छन् ।
वैशाख १२, १३ र १४ गते आयोजना भएको १४ वर्ष उमेर समूहको पुम्सेतर्फ सफल लामाले स्वर्ण पदक प्राप्त गरेका हुन् ।
प्रेरणा तेक्वान्दो डोजाङ समूहबाट सहभागी सफल लामासँगै योगेश कवर योगीले ३० वर्ष उमेर समूहमा एकल पुम्से अन्तर्गत स्वर्णपदक र ४८ केजी तौल समूहमा सुलभ शर्माले फाइटतर्फ स्वर्ण पदक जितेका छन् ।
