मकवानपुर, १७ चैत ।
मुक्तक मञ्च मकवानपुरले मुक्तककारद्वय राजबाबु पहाडी र शोभा शाह थापाको मुक्तकवाचन कार्यक्रम गरेको छ ।
कार्यक्रममा मुक्तककारद्वयका ६/६ मुक्तकका साथमा साहित्य सर्जकहरू तुलसी घिमिरे, पुरूषोत्तम आचार्य, भवानी तिमल्सिना, स्वस्तिका बानियाँलगायतले मुक्तक वाचन गरेका थिए ।
वाचकद्वयका मुक्तकमाथि साहित्य सर्जक देवराज तिवारीले समीक्षात्मक टिप्पणी प्रस्तुत गरेका थिए । कार्यक्रममा स्रस्टाहरूलाई मायाको चिनो तथा प्रशंसापत्र प्रदान गरिएको थियो ।
मुक्क मञ्च मकवानपुरको १५औँ नियमित मुक्तक वाचन श्रृङ्खला साहित्य सङ्गम तथा सिस्नुपानी मकवानपुरको संयुक्त भवनमा सञ्चालन भएको हो ।
कार्यक्रममा मञ्चका अध्यक्ष सागर तिमल्सिनाको अध्यक्षता, सिस्नुपानी मकवानपुरका अध्यक्ष राजकुमार लामिछानेको प्रमुख आतिथ्यता रहेको थियो । उपाध्यक्ष मेनु तिमल्सिनाले स्वागत मन्तव्य राखेको कार्यक्रमलाई मञ्चका सचिव सुवास सजलले सहजीकरण गरेका थिए ।
