कावासोती, ११ साउन ।
पूर्वी नवलपरासीको दाउन्नेमा यात्रुवाहक बसमा आगलागी हुँदा ३३ जना घाइते भएका छन् । बुधबार बिहान ना ५ ख ५१०० नम्बरको बस अनियन्त्रित भई सडक छेउमा पल्टिँदा बसमा आगो लागेको जिल्ला प्रहरी कार्यालय नवलपरासीपूर्वले जनाएको छ ।
आगलागीबाट बसमा सवार ३३ जना यात्रु घाइते भएको र ६ जनाको अवस्था गम्भीर रहेको प्रहरीले जनाएको छ । अहिले ८ जनालाई भरतपुरस्थित पुरानो मेडिकल कलेज र बाँकीलाई मध्यविन्दु जिल्ला अस्पतालमा उपचार भइरहेको प्रहरीले जनाएको छ ।
