भरतपुर १५ वैशाख ।
अविरल यात्री
भरतपुरमा बिहीबार दिउँसो ट्याङ्करले ठक्कर दिँदा एक जनाको मृत्यु भएको छ।
बिहिवार दिउँसो १२ बजेको समयमा भरतपुर पदमपुर सडक खन्ड अन्तर्गत भरतपुर महानगरपालिका -११ स्थित शान्तिमार्गमा भोजाडबाट विशालचोक तर्फ आउदै गरेको बा. २ क ४५७५ नम्बरको दूध बोकेको ट्याङकरले सोही दिशाबाट आउदै गरेका साइकलयात्री बारा महागढीमाई नगरपालिका-५ का २० वर्षीय प्रमित भन्ने आदित्य जैसवाललाई ठक्कर दिएको हो। उनको उपचारको लागि भरतपुर अस्पताल ल्याउँदै गर्दा बाटोमै मृत्यु भएको जिल्ला प्रहरी कार्यालयका प्रवक्ता डिएसपि नरहरि अधिकारीले जानकारी दिए। ट्याङ्कर र ट्याङकर चालक जिल्ला प्रहरी कार्यालय चितवनको नियन्त्रणमा रहेको छ।
दुर्घटना के कारणले भयो भन्नेबारे थप अनुसन्धान भैरहेको अधिकारीले जानकारी दिए। मृतक जैसवालको शव भरतपुर अस्पतालको शव गृहमा राखिएको छ।
