पोखरा, १२ वैशाख ।
नेकपा एमालेले पोखरा महानगरपालिकाको मेयरमा अघि सारेका दीपक पौडेलको टिकट खोसेको छ । नयाँ उम्मेदवारका रूपमा कृष्ण थापालाई टिकट दिएको छ ।
शनिबार पौडेललाई टिकट दिएपछि उनको पुरानो भिडियोहरू शेयर गर्दै चौतर्फी आलोचना र विरोध भएको थियो । एमालेले पोखरा महानगरको मेयर उम्मेदवार बनाइएका पौडेललाई जोडेर अहिले एउटा भिडिओ भाइरल भइरहेको छ ।
पौडेलले पृथ्वीसुब्बा गुरुङ प्यानलबाट टिकट पाएका थिए । यतिबेला पौडेलको टिकट फिर्ता लिएर खगराज अधिकारी निकट थापालाई टिकट दिइएको छ ।
उपमेयरमा भने पुनः मञ्जु गुरुङ नै उम्मेदवार बनेकी छिन् । यसअघि गुरुङले आफू उम्मेदवार नबन्ने बताए पनि अहिले मौन छिन् ।
