पाकिस्तानी प्रधानमन्त्री इमरान खानले संसद् भंग गरेर नयाँ चुनाव गराउनका लागि राष्ट्रपतिसमक्ष सिफारिस गरेका छन् ।
आइतबार सदनमा आफूविरुद्धको अविश्वासको प्रस्ताव खारेज भएपछि उनले नयाँ चुनावको सिफारिस गरेका हुन् । संसद् बैठकमा खानविरुद्धको अविश्वास प्रस्ताव खारेज भएको छ ।
पाकिस्तानको नेशनल एसेम्बलीका उपसभामुख कासिम खान सूरीले खानविरुद्धको अविश्वास प्रस्ताव खारेज गरेका हुन् । उपसभामुखले अविश्वास प्रस्तावलाई नै असंवैधानिक बताउँदै खारेज गरेका हुन् ।
संसद्मा अविश्वास प्रस्ताव खारेज भएसँगै प्रधानमन्त्री खानले देशलाई सम्बोधन गरेर संसद् भंग गरेका छन् । उनले नयाँ चुनाव गराउनका लागि राष्ट्रिपतिलाई सिफारिस गरेका बीबीसीले लेखेको छ ।
