भरतपुर, १० फागुन ।
चितवन प्रहरीले वैदेशिक रोजगारमा पठाई दिन्छु भनि ठगी गर्ने एक जना महिलालाई पक्राउ गरेको छ ।
जिल्ला प्रहरी कार्यालय चितवनका अनुसार बिदेश पठाईदिन्छु भन्दै प्रलोभनमा पारी ३८ जनासँग पैंतालिस लाख पचहत्तर हजार रुपैयाँ ठगी गर्ने खैरहनी नगरपालिका- ७ सुर्तनाकी ३८ वर्षीया मिना चौधरीलाई सोमबार पक्राउ गरिएको हो ।
पक्राउ परेकी चौधरीले वैदेशिक रोजगारमा राम्रो कमाई हुन्छ, कम रकममा नै बिदेश पठाईदिन्छु भनि ठगि गरेको सूचनाका आधारमा उनलाई पक्राउ गरिएको जिल्ला प्रहरी कार्यालय चितवनका सूचना अधिकारी डिएसपी नरहरि अधिकारीले जानकारी दिए ।
उनलाई जिल्ला अदालत चितवनबाट म्याद अनुमती लिई ठगी मुद्धामा थप अनुसन्धान कार्य भइरहेको डिएसपी अधिकारीले जनाए ।
