भरतपुर, १० मंसिर ।
नेकपा एमालेका अध्यक्ष केपी शर्मा ओलीले देशमा विकासको मूल फुटाउन आगामी चुनावमा बहुमतका साथ जित हासिल गर्नुपर्ने बताएका छन् ।
चितवनमा पार्टीको १० औँ महाधिवेशनलाई उद्घाटन गर्दै एमालेका लागि बहुमत नभई देश बनाउनका लागि बहुमत आवश्यक पर्ने बताए ।
उनले भने, ‘एमालेका लागि बहुमत होइन, देश बनाउनका लागि देशको सार्वभौमसत्ता रक्षा गर्नका लागि, यस देशमा लोकतन्त्र फेरि गुम्न नपाओस् भनेर लोकतन्त्रको रक्षाका लागि, संविधानको रक्षा र कार्यान्वयनका लागि, संविधानको गलत व्याख्यालाई जन अभिमतबाट सच्याएर अगाडि बढ्नका लागि नेकपा एमालेले बहुमत ल्याउन पर्छ ।’
