भरतपुर, ५ वैशाख
नेपाल वायुसेवाका दुई वाइडबडी जहाज कोरोना भाइरस रोगको परीक्षण तथा उपचारका लागि आवश्यक पर्ने मेडिकल सामग्री लिएर काठमाण्डौं आइपुगेका छन् ।
हिजो साँझ ग्वाङ्झाओतर्फ लागेका दुई एयरबस ए३३०–२४३ मोडलका वाइडबडी जहाजहरू आज बिहान नेपाल आइपुगेका हुन् ।
विदेशी नागरिकलाई स्वदेश लैजान तथा मेडिकल सामग्री ल्याउन राष्ट्रिय ध्वजावाहक नेपाल वायुसेवा निगमका जहाजहरूले लकडाउनका समयमा पनि चार्टड उडानहरू भर्दै आएका छन् ।
