भरतपुर, १३ भदौ
चितवनकी सञ्चारकर्मी मुना अर्याल चर्चित रियालिटी शो ‘नेपाल लोक स्टार’ को टप ११ मा पर्न सफल भएकी छन् । एपीवान एचडी टेलिभिजनबाट हरेक हप्ताको बिहीबार र शुक्रबार यस रियालिटी शो प्रसारण हुँदै आएको छ ।
पूर्वी चितवनमा रहेको ग्रेड एफएममा कार्यक्रम प्रस्तोताको रुपमा रहेकी अर्यालले टप १० मा पुग्नका लागि भोटको अपिल गरेकी छन् । बिहीबार हुने प्रतिष्पर्धाको आधारमा शुक्रबार साँझ एक प्रतिष्पर्धी बाहिरिन्छ । भोटको अपिल गर्दै उनले चितवनवासीबाट सहयोगको ठूलो अपेक्षा रहेको बताइन् ।
उनलाई भोट गर्नका लागि मोवाइलको म्यासेज बक्समा गएर L 16 टाइप गरी 37000 मा एसएमएस गर्नुपर्छ । त्यसैगरी ‘आइएमई पे’ एपबाट पनि भोट गर्न सकिन्छ ।
