रुपन्देही, २५ वैशाख ।
रुपन्देहीमा करिब ४० जना विद्यार्थी बोकेर गुडिरहेको विद्यालयको बसमा आगलागी भएको छ। जिल्ला प्रहरी कार्यालय रुपन्देहीका अनुसार शुद्धोधन गाउँपालिका ४ फर्साटिकरमा बसमा आगलागी भएको हो । फर्साटिरमा सञ्चालित लिटिल फ्लावर बोर्डिङ स्कुलको लु१क १३२६ नम्बरको बस रम्भापुर क्षेत्रबाट विद्यार्थी लिएर आउँदै गर्दा एक्कासी आगो लागेको प्रहरीले जनाएको छ ।
जिप्रकाका प्रहरी नायव उपरिक्षक सुरज कार्कीका अनुसार गुडिरहेको बसमा करिब ४० जना विद्यार्थी रहेका थिए। बसको आवाज फेरिएको र इन्जिनबाट धुवा आएको देखेलगत्तै विद्यार्थीहरुलाई चालक र सहचालकले बसको पछाडीको ढोकाबाट बाहिर निकालेका थिए। मानवीय क्षति हुन नपाएको तर बसमा क्षती भएको डीएसपी कार्कीले बताए।
आगलागीबाट बस भने पूर्णरूपमा क्षति भएको र बसमा लागेको आगो दमकलले निभाएको थियो।
