भरतपुर, १५ असार ।
खेमलाल हरिकला लामिछाने समाज कल्याण प्रतिष्ठानले २०७९ सालको पद्मश्री साहित्य पुरस्कारका लागि १५ वटा कृतिको विस्तारित सूची सार्वजनिक गरेको छ ।
अघिल्लो वर्ष प्रकाशित मध्ये एक सय ८० पुस्तक प्राप्त भएका र ती मध्ये निर्णायक समितिले पहिलो चरणको उत्कृष्ट १५ वटाको विस्तारित सूची सिफारिस गरेको प्रतिष्ठानले जनाएको छ ।
दोश्रो चरणमा उत्कृष्ट संक्षिप्त सूची चयन गरिने र अन्तिम चरणमा पुरस्कृत पुस्तक घोषणा गरिने प्रतिष्ठानका अध्यक्ष जीवा लामिछानेद्वारा जारी विज्ञप्तिमा उल्लेख छ ।
प्रतिष्ठानले २०६३ सालदेखि नेपाली साहित्यमा वर्षभरि प्रकाशित पुस्तकहरु मध्येबाट उत्कृष्ट पुस्तकलाई पद्मश्री साहित्य पुरस्कार प्रदान गर्दै आएको छ ।
१५ वटा पुस्तकको सूची यसप्रकार छ :
१) आतोओडा -जानुका खतिवडा
२) इजोरिया – सुबिन भट्टराई
३) ऐँठन – विवेक ओझा
४) चिसो बाफ – गोपी सापकोटा
५) थाङ्ग्रा – प्रगति राई
६) पर्वतपर्वतमा बटुवा घाम – रमेश क्षितिज
७) पानीघट्ट – सुरेश प्राञ्जली
८) ब्रम्हास्त्र – शैलेन्द्र अधिकारी
९) बाआमा – रामलाल जोशी
१०) भग्न भैरव – प्रोल्लास सिन्धुलीय
११) मनु – डा. देवीप्रसाद सुवेदी
१२) मफलर – प्रदीप रोदन
१३) यशोधरा – हरिबोल काफ्ले
१४) शून्यको मूल्य – डा. नवराज केसी
१५) सन्तापको धून – अशोक थापा
