भरतपुर, १६ साउन ।
नारायणगढ – मुग्लिङ सडकखण्डमा यातायात आवतजावतमा अहिले अवरोध नरहेको चितवन प्रहरीले बताएको छ । पहिरोका कारण अवरुद्ध रहेको नारायणगढ – मुग्लिङ सडकखण्ड अहिले दुइतर्फीरूपमा नै सञ्चालनमा आएको छ ।
जिल्ला प्रहरी कार्यालय चितवनका अनुसार सोमबार बिहान ४ बजे भरतपुर- २९ स्थित घुमाउने नजिक माथिबाट लेदो सहितको पहिरो खसेपछि सडक दुइतर्फीरुपमै अवरुद्ध बनेका थियो । अहिले उक्त पहिरो पन्छाई यातायात आवतजावत सहज बनाइएको जिल्ला प्रहरी कार्यालय चितवनका प्रहरी नायब उपरीक्षक रबिन विष्टले जानकारी दिए ।
