भरतपुर, १ वैशाख ।
राष्ट्रिय जीवनका विभिन्न क्षेत्रमा रही उत्कृष्ट कार्य गरेवापत गत वर्षको संविधान दिवसका दिन (२०७८ असोज १ गते) मानपदवी प्राप्त गरेका व्यक्तिहरूलाई विभूषित गरिएको छ । राष्ट्रपति भवन शीतल निवासमा बिहीबार आयोजित सुशोभण समारोहमा राष्ट्रपति विद्यादेवी भण्डारीले विभूषण एवम् मानपदवी प्रदान गरेकी हुन् ।
यस वर्ष नेपाल रत्न, राष्ट्र गौरव, महाउज्ज्वल राष्ट्रदीप, सुप्रसिद्ध प्रबल जनसेवाश्री, उज्ज्वल कीर्तिमय राष्ट्रदीप, प्रसिद्ध प्रबल जनसेवाश्री, सुकीर्तिमय राष्ट्रदीप, सुप्रबल जनसेवाश्री, कीर्तिमय राष्ट्रदीप, प्रबल जनसेवाश्री र जनसेवाश्री गरी ११ वटा मानपदवी वितरण गरिएको छ ।
चितवन जिल्लाबाट मानपदवी प्राप्त गर्ने व्यक्तिहरू निम्नानुसार रहेका छन्:
१. सीता दाहाल (सामाजिक अभियन्ता) – प्रसिद्ध प्रबल जनसेवाश्री
२. डा. अनिल कार्की (वीपी कोइराला क्यान्सर अस्पताल) – सुप्रबल जनसेवाश्री
३. स्व. धर्मध्वज गुरुङ (राजनीतिकर्मी) – प्रबल जनसेवाश्री
४. भेषराज दुवाडी (समाजसेवी) – प्रबल जनसेवाश्री
५. गोकुल भण्डारी (उद्योग व्यवसायी) – प्रबल जनसेवाश्री
६. पूर्णप्रसाद दवाडी (प्रधानाध्यापक, नारायणी मा.वि. भरतपुर) – प्रबल जनसेवाश्री
७. डा. खेमराज पौडेल (वरिष्ठ बालरोग विशेषज्ञ, भरतपुर अस्पताल) – प्रबल जनसेवाश्री
८. प्रा.डा. कृष्णप्रसाद पौडेल (मेडिकल सुपरिटेण्डेण्ट, भरतपुर अस्पताल) – प्रबल जनसेवाश्री
९. दिपक प्रसाद तिवारी (वरिष्ठ जनस्वास्थ्य प्रशासक, स्वास्थ्य कार्यालय चितवन) – प्रबल जनसेवाश्री
१०. डा. हेमराज कोइराला (निर्देशक, योगी नरहरिनाथ योग तथा प्राकृतिक चिकित्सालय, भरतपुर) – प्रबल जनसेवाश्री
११. सरिता भण्डारी (अस्पताल नर्सिङ निरीक्षक, भरतपुर अस्पताल) – प्रबल जनसेवाश्री
१२. गोविन्द प्रसाद तिवारी (समाजसेवी) – जनसेवाश्री
१३. भवानी कुमारी गुरुङ (समाजसेवी) – जनसेवाश्री
