भरतपुर, ९ मंसिर ।
नेपाली कांग्रेस चितवनको जिल्ला अधिवेशन स्थगित भएको छ । नेपाली कांग्रेस चितवनको बैठकले सर्वसम्मतिबाट शुक्रबार र शनिबारका लागि तोकिएको जिल्ला अधिवेशन स्थगित गर्ने निर्णय गरेको हो ।
चितवनको जिल्ला अधिवेशन सार्ने गरी निर्वाचन समितिलाई सिफारिस गरिएको र सोही आधारमा निर्वाचन समितिले जिल्ला अधिवेशन स्थगन गरिएको कांग्रेस चितवनले जनाएको छ ।
मंसिर १० गते नेकपा एमालेको केन्द्रीय महाधिवेशनको उद्घाटन नारायणगढमा हुने भएका कारण कांग्रेसको जिल्ला अधिवेशन स्थगित भएको हो । चितवन प्रशासनले एमालेको महाधिवेशनका कारण भरतपुर नगर क्षेत्रमा यातायात प्रवेशमा रोक लगाएका कारण उम्मेदवारले मनोनयन दाखिला गर्न समस्या हुने भएकाले अधिवेशन स्थगित गर्नु परेको कांग्रेसले जनाएको छ ।
