भरतपुर, २१ कात्तिक ।
प्रधानन्यायाधीश चोलेन्द्र शमशेर जबरालाई राजीनामा गराउन देशभरका बार इकाइका प्रतिनिधिहरूले सुझाएको बारका महासचिव लीलामणि पौडेलले बताएका छन् ।
आज बिहानदेखि भएको जुम मिटिङमा न्यायालयको गरिमामा आँच आउने गरिका गतिविधि प्रधानन्यायाधीश जबराले गरेको निष्कर्षको आधारमा राजीनामा गराउन थप दबाबमूलक कार्यक्रम गर्न सुझाएको बताए ।
पौडेलले भने, ‘साथीहरूबाट राजीनामा गराउन दबाबमूलक कार्यक्रम गर्नुपर्यो भन्ने कुरा आएको छ । भोलि पनि हाम्रो मिटिङ हुन्छ ।’ बारले यसअघि १४ कात्तिक र १६ कात्तिकमा विरोधको कार्यक्रम गरिसकेको छ ।
