भरतपुर, २२ असोज ।
आठौं संस्करणको अन्तर लियो लायन्स फुटसल प्रतियोगिता चितवनमा शनिबार ( भोलि) देखि सुरु हुने भएको छ । लियो क्लब अफ नारायणगढ चित्रवनको आयोजनामा असोज २३ र २४ गते प्रतियोगिता हुन लागेको हो ।
भरतपुर -७ गौतमचोकस्थित चितवन फुटसल एण्ड स्पोर्टस जोनमा हुने प्रतियोगितामा २८ वटा लायन्स तथा लियो क्लबहरुको सहभागीता रहने क्लबका अध्यक्ष सन्तोष सुवेदीले जानकारी दिए । प्रतियोगितामा चितवनसहित, काठमाडौं, नवलपुर, मकवानपुर र रुपन्देहीका बिभिन्न क्लबहरु सहभागी हुनेछन् ।
दुई दिन हुने प्रतियोगिताको फाइनल खेल २४ गते दिउँसो हुनेछ । प्रतियोगितामा प्रथम हुनेले २५ हजार रुपैयाँँसहित ट्रफी प्राप्त गर्नेछन् । यस्तै दोस्रो हुनेले १२ हजार रुपैयाँँ प्राप्त गर्नेछन् ।
स्वास्थ्यका लागि खेलकुद भन्ने मुल नाराका क्लबले विगत आठ वर्षदेखि फुटसल प्रतियोगिता गर्दै आएको अध्यक्ष सुवेदीले बताए।




