भरतपुर, ७ भदौ ।
आज देशभर बदली रही केही स्थानमा पानी पर्नेछ । प्रदेश १, बागमती र गण्डकी प्रदेशका एक र दुई स्थानमा मेघ गर्जनसहित भारी वर्षा हुन सक्ने मौसम पूर्वानुमान महाशाखाले जानकारी दिएको छ ।
आज राति लुम्बिनी, गण्डकी र बागमती प्रदेशका केही स्थानमा मेघ गर्जनसहित भारी वर्षा हुन सक्ने छ ।
अहिले देशभर सामान्य बदली रही प्रदेश १, बागमती, गण्डकी र लुम्बिनी प्रदेशका केही स्थानमा पानी परिरहेको महाशाखाले जानकारी दिएको छ ।
