भरतपुर १ भदौ ।
नेकपा एमालेले वरिष्ठ नेता माधवकुमार नेपालसहित १४ जना सांसदलाई कारबाही गरेको छ ।
पार्टी अनुशासन विपरीत क्रियाकलाप गरेको भन्दै एमालेले नेपालसहित १४ सांसदलाई कारबाही गरेको हो । कारबाहीसँगै उनीहरूलाई सांसद पदबाट पदमुक्त गर्न एमालेले संसद सचिवालयमा पत्र दर्ता गरेको छ । संसद सचिवालयसँगै कारबाही गरेको पत्र एमालेले निर्वाचन आयोगमा पनि बुझाएको छ ।
निर्वाचन आयोगका प्रवक्ता राजकुमार श्रेष्ठले कारबाहीका लागि संसद सचिवालयमा पठाएको पत्रको बोधार्थ आयोगमा आइपुगेको जानकारी दिए । श्रेष्ठका अनुसार १४ जना सांसदलाई कारबाही गरेको पत्रमा उल्लेख छ ।
संसदीय दलका प्रमुख सचेतक विशाल भट्टराई र सचेतक शान्ता चौधरीले संसद सचिवालयमा पुगेर कारबाहीको पत्र दर्ता गराएका थिए ।
यी हुन् कारबाहीमा परेका नेपाल समूहका सांसद :
१.माधव नेपाल
२.विरोध खतिवडा
३.मेटमणी चौधरी
४.जीवनराम श्रेष्ठ
५.मुकुन्द न्यौपाने
६.कृष्णलाल महर्जन
७.रामकुमारी झाँक्री
८.कल्याणी खड्का
९.लक्ष्मीकुमारी चौधरी
१०.निरादेवी जैरु
११.पुष्पाकुमारी कर्ण
१२.सरला यादव
१३.कलिला खातुन
१४.भवानी खापुङ
