भरतपुर, २२ जेठ
नेपालमा कोरोना संक्रमणबाट थप एकजनाको मृत्यु भएको पुष्टि भएको छ ।
गत जेठ २० गते मृत्यु भएका पाल्पाका एक पुरुषमा कोरोना संक्रमण रहेको पुष्टि मृत्युको दुई दिनपछि आज भएको हो । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले दिएको जानकारीअनुसार पाल्पा पूर्वखोला गाउँपालिकाका ४५ वर्षीय पुरुषको मिसन अस्पतालमा उपचारको क्रममा ज्यान गएको हो ।
योसँगै नेपालमा कोरोनाबाट ज्यान गुमाउनेको संख्या १० जना पुगेका छन् ।
