काठमाडौं, १४ भदौ ।
रसुवाको भोटेकोशीमा गत १० भदौमा आएको विनाशकारी बाढीमा परी बेपत्ता भएकाहरूमध्ये हालसम्म ७३४ जनाको शव फेला परेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले आज बिहान ९ बजे सार्वजनिक गरेको बुलेटिनअनुसार विभिन्न जिल्लाहरूबाट उक्त संख्यामा शव बरामद गरिएको हो ।
प्राधिकरणका अनुसार बाढीमा परी ज्यान गुमाएकाहरूमध्ये चितवनमा सबैभन्दा बढी २५९ जनाको शव भेटिएको छ । यस्तै, नवलपरासी पूर्वमा १८४, नवलपरासी पश्चिममा ८२, गोरखामा ५८, नुवाकोटमा ५२, धादिङमा ५०, तनहुँमा ३६ र रसुवामा १३ जनाको शव फेला परेको छ ।
विपद्पछि तीव्र पारिएको खोज तथा उद्धार कार्यअन्तर्गत हालसम्म ८ हजार १८६ जनाको सकुशल उद्धार गरिएको प्राधिकरणले जनाएको छ ।
