कृषि विभागका महानिर्देशक प्रकाशकुमार सञ्जेलको अध्यक्षतामा प्रथम राष्ट्रिय कोदो दिवस मूल आयोजक समिति गठन गरी ‘कोदोजन्य परिकारको आहारः खाद्य सुरक्षा र स्वस्थ जीवनको आधार’ भन्ने नारा तय गरिएको हो ।
देशको दिगो विकास लक्ष्य हासिल गर्न, जलवायु परिवर्तनवाट हुने असर कम गर्न र जैविक विविधता जोगाउँदै खाद्य प्रणालीको रुपान्तरण गर्न दिवस महत्त्वपूर्ण हुने विभागका महानिर्देशक सञ्जेलले जानकारी दिए । कृषि विभागले आर्थिक वर्ष २०८१र८२ मा७६ करोड ६३ लाख ८६ हजार रुपैयाँको करिब १८ हजार ३१६ मेट्रिक टन कोदोजन्य उत्पादनको आयात भएको जनाएको छ ।
दिवसका अवसरका चाँगुनारायण नगरपालिकास्थित ताथलीमा कोदो रोपाइँ तथा कृषक, राष्ट्रिय कृषक समूह महासङ्घ, पत्रकारलगायतका विभिन्न विधामा पुरस्कार तथा कदरपत्र वितरणको कार्यक्रम छ । प्रदेश र स्थानीय तहहरूबाट पनि उक्त अवसरमा विविध कार्यक्रम सञ्चालन गर्ने जनाइएको छ ।
यता चितवनमा पनि भरतपुर महानगरपालिका र त्रिपुरेश्वर कृषि सहकारी संस्थाको आयोजनामा कोदो रोपाइ कार्यक्रम राखिएको छ । भरतपुर – ८ स्थित ज्योति युवा क्लबको पुरानो खेल मैदानमा कोदो रोपिने त्रिपुरेश्वर कृषि सहकारीका अध्यक्ष विनोद सापकोटाले बताए ।
