भरतपुर, २ साउन ।
युवा उद्यमी एवं प्रकृति कपास उद्योगकी सञ्चालक चन्दना कोइरालाले आफ्नो जन्मदिन गौसेवा गरेर मनाउनुभएको छ ।
कोइराला आज परिवार सहित पवित्र धार्मिक क्षेत्र देवघाटधामस्थित योगी नरहरिनाथ गौसेवा केन्द्रमा पुगेर संरक्षित गाईहरुलाई खाना खुवाउनु भएको हो ।
कोइराला सनातन अभियानकी सदस्य साथै नेपाल कपास उद्योग महासंघकी केन्द्रीय अध्यक्ष समेत हुनुहुन्छ । त्यस्तै बागमती प्रदेस उद्योग परिसंघ महिला समितिको अध्यक्ष पनि हुनुहुन्छ ।
स्वदेशमा केही गर्नु पर्छ भन्ने मान्यताका साथ कपास उद्योग सञ्चालन गर्दै आउनुभएकी कोइरालाले आफ्नो जन्मदिन हिन्दु सनातनीहरुले माताको रुपमा स्विकारेको गौमातालाई सेवागरी मनाउनु भयो ।
समाज सेवामा समेत सक्रिय कोइरालाले आफ्नो जन्मदिनमा गाईको सेवा गरी मनाउन पाउँदा अत्यन्तै खुसी लागेको बताउनुभयो ।
झण्डै एक दशकदेखि व्यावसायिक र सामजिक क्षेत्रमा सक्रिय कोइरालाले गौसेवा आश्रमलाई ५ हजार ५ सय रुपैयाँ सहयोग गर्नुभयो ।
असाहाय, अनाथ, दिनदुखी मानव तथा प्राणीहरुको सहयोग गर्दा मनमा सन्तुष्टि र खुशी मिल्ने कोइरालाले बताउनुभयो ।
