काठमाडौं, ११ फागुन ।
विभिन्न अडकलबाजी भइरहेका बेला प्रधानमन्त्री केपी शर्मा ओलीले आज सुरक्षा परिषदको बैठक बोलाएका छन् ।
बैठक सिंहदरबारस्थित परिषदको कार्यालयमा बैठक बस्नेछ । बैठकको एजेण्डाका बारेमा केही भनिएको छैन ।
राष्ट्रिय विपद र सुरक्षामा खतरा पैदा भए सेना परिचालन गर्ने निर्णय गर्न सुरक्षा परिषदको बैठक बस्ने गर्दछ ।
प्रधानमन्त्री अध्यक्ष रहने सुरक्षा परिषदमा रक्षामन्त्री, गृहमन्त्री, परराष्ट्रमन्त्री, अर्थमन्त्री, मुख्य सचिव र प्रधानसेनापति सदस्य रहन्छन् ।
