रामेछाप, १४ मङ्सिर ।
रामेछापको गोकुलगंगामा गाडी दुर्घटना हुँदा वडाध्यक्ष सहित ५ जनाको मृत्यु भएको छ भने ३ जना घाइते भएका छन् ।
शुक्रबार दिउँसो गोकुलगंगा गाउँपालिका वडा नम्बर ६ सिमलडाँडामा ना १ ज ७१२३ नम्बरको गाडी दुर्घटना हुँदा वडाध्यक्षसहित पाँच जनाको मृत्यु भएको जिल्ला प्रहरी कार्यालय रामेछापले जनाएकाे छ ।
उक्त दुर्घटनामा वडा नम्बर ४ का अध्यक्ष रामचन्द्र बस्नेत र हिराबहादुर कार्कीकाे सनाखत भएकाे छ । कार्कीकाे ठेगाना भने खुलिनसकेकाे प्रहरीले जनाएकाे छ । घटनामा ज्यान गुमाउने अन्यको सनाखत हुन बाँकी रहेको रामेछाप प्रहरीले जनाएको छ । दुर्घटनामा घाइते तीन जनालाई जिल्ला अस्पताल मन्थली लगिएको छ ।
