मकवानपुर, ८ जेठ ।
हेटौंडा उपमहानगरपालिका वडा नम्बर १२ मा एक जना पुरुष मृत अवस्थामा फेला परेका छन् ।
बागमती प्रदेश प्रहरी कार्यालय हेटौंडाका अनुसार सोमबार हेटौंडा–१२ बस्ने ४० वर्षीय दिलिपबहादुर रुम्बा मृत अवस्थामा फेला परेका हुन् ।
स्थानीय तिलकबहादुर घलानको केराबारीमा रुम्बा घोप्टो परेको अवस्थामा मृत फेला परेको प्रहरीले जनाएको छ ।
घटनाको मुचुल्कापश्चात शव हेटौंडा अस्पतालमा ल्याएको र घटनाको बारेमा अनुसन्धान भइरहेको प्रहरीले जनाएको छ ।
