चितवन, १५ भदौ ।
रसुवा, नुवाकोट, धादिङलगायत क्षेत्रमा भएको विपद्बाट प्रभावित परिवारको सहयोगका लागि फेन्सी व्यवसायी महासंघ नेपालले देशव्यापी राहत संकलन अभियान सञ्चालन गर्ने भएको छ ।
महासंघअन्तर्गत फेन्सी व्यवसायी संघ चितवनले पनि आज सोमबारदेखि राहत संकलन सुरु गर्ने जनाएको छ ।
संकलित राहत तथा आर्थिक सहयोग महासंघको समन्वयमा प्रभावित क्षेत्रमा पुर्याई स्थानीय तह र सम्बन्धित निकायसँगको सहकार्यमा वास्तविक पीडितलाई वितरण गरिनेछ ।
महासंघका अध्यक्ष रामप्रसाद पौडेलले विपद्को कठिन घडीमा प्रभावितको साथमा उभिन सबै व्यवसायी तथा सहयोगी दातालाई आग्रह गर्नुभएको छ।
