काठमाडौं, ३० असोज ।
नेपाल आयल निगम लिमिटेडले बुधबार रातिबाट लागू हुनेगरी पेट्रोलको मूल्य प्रतिलिटर दुई रुपैयाँ घटाएको छ । मुल्य घटेपछि काठमाडौं उपत्यकामा पेट्रोल प्रतिलिटर १५९ रुपैयाँ कायम भएको छ ।
इण्डियन आयल कर्पोरेसनबाट बुधबार दिउँसोबाट पेट्रोल २.५६ रुपैयाँका दरले घटेर आएकाले नेपाली बजारमा समायोजन गरेको निगमले जनाएको छ । डिजेलको मूल्य ०.२५ रुपैयाँले घटेर आए पनि यथावत् राखिएको छ ।
