इच्छाकामना, १६ चैत
कोरोना भाइरस सक्रमण फैलन सक्ने डरले पहाडी भूगोलमा पनि जनता जागरुक हुन थालेका छन् ।
बाटोघाटो अवरोध गरिएको छ भने बजार आउजाउ गर्नेको लागि गाउँ प्रवेशद्वारमा साबुन पानीले हात धुने व्यवस्था गरिएको छ ।
सरकारले पनि नौलो मान्छे देख्नेबित्तिकै र बिदेशबाट आएकाहरु कोही भएमा खबर गर्न भनेअनुसार गाउँले ले नै निगरानी बढाएको इच्छाकामना ३ कमेरेका ठाकुर अधिकारीले बताए ।
गाउँपालिका अध्यक्ष गीताकुमारी गुरुङले विदेशबाट आएका नागरिकबारे जानकारी गराउन सबैलाई सूचना गरिएको बताइन् । कोरोनाको त्रासले सहर छाडेर मानिसहरू गाउँ जान थालेका छन् ।
