चितवन, १० असार ।
कालिका नगरपालिकाले आगामी आर्थिक वर्ष २०८०/८१ का लागि ८१ करोड ७७ लाख ८० हजार रुपैयाँको बजेट सार्वजनिक गरेको छ । उपमेयर विमला तमाङले आइतबार नगरसभामा उक्त आकारको बजेट सार्वजनिक गरेकी हुन् ।
बजेटमा नगरपालिकाले नगर यातायात, सडक सञ्जाल बिस्तार, निःशुल्क हटलाइन सेवा, नागरिक सहायता कक्षबाट गुनासाको सुनुवाइ गर्ने लगायतका विषयलाई जोड दिएको छ ।
यो वर्ष बजेट कटौती भएर आए पनि गौरवका आयोजनाहरू सम्पन्न गर्ने जिम्मेवारी नगरपालिकासँग रहेको मेयर विनोद रेग्मीले जानकारी दिए ।
