काठमाडौं, २३ फागुन ।
नेकपाको दाहाल–नेपाल समूहले सोमबार बिहान ११ बजेका लागि बैठक स्थायी कमिटीको बोलाएको छ ।
नेता नारायणकाजी श्रेष्ठका अनुसार सर्वोच्चको फैसलापछि उत्पन्न राजनीतिक जटिलता र आगामी रणनीतिबारे छलफल गर्न स्थायी कमिटी बैठक बोलाइएको हो ।
सर्वोच्चले नेकपाको नाम ऋषि कट्टेल अध्यक्ष रहेको पार्टीलाई दिएर तत्कालीन एमाले र माओवादी केन्द्र ब्युँताएदिएको छ ।
अब कानुनी प्रक्रियामा जाने वा नजाने भन्ने निर्णय स्थायी कमिटी बैठकबाट हुने पनि श्रेष्ठले बताए ।
सो समूहका शीर्ष नेताले अदालतको फैसलालगत्तै कानुन व्यवसायीसँग पनि छलफल गरेका छन् ।
