देवचुली, २० कात्तिक ।
चितवन राष्ट्रिय निकुञ्ज शिसवार मध्यवर्ती उपभोक्ता समिति अन्तरगत देवचुली १७ स्थित गैंडातालमा गैंडाको आक्रमणमा परि एकजना घाइते भएका छन् । आज शुक्रबार विहान करिव ५ वजेकाे समयमा वर्ष ५० का लिखिराम महतोलाई चितवन राष्ट्रिय निकुञ्जवाट आएको गैंडाले आक्रमण गरेकाे हो ।
घर नजिकैकाे टाैवाबाट पराल निकाल्ने क्रममा उनलाई गैंडाले आक्रमण गरि घाईते वनाएको हाे । घाईते महतोकाे दुबै खुट्टा र देव्रे हातमा चोट लागेको छ ।
महतोकाे घर गैंडाकोट नगरपालिकास्थित भेडावारी भएता पनि उनी देवचुली १७ स्थित अमरबहादुर गुरौको घरमा विगत २२ वर्षदेखि कामकाजको हिसावले वसोवास गर्दै आएका छन् । पहिल्यैदेखि शारीरिक रुपमा अशक्त उनी बोल्न सक्तैनन् ।
अहिले घाइते महतोको भरतपुर अस्पतालमा उपचार भईरहेको छ ।
साेहि स्थानमा गत कात्तिक १६ गते ६५ वर्षीय जंगिलाल मुखियाकाे गैंडाकाे आक्रमणमा परि मृत्यु भएको थियाे ।
जंगलभित्र याे समयमा घाँस नहुने र ग्रामीण स्थानहरुमा व्यावसायिक पशुपालन रहेकाे र किसानहरुले लगाएकाे जौ, वर्षिमलगायतका घाँस गैंडाले मन पराउने र सहजै पाईने भएकोले यी स्थानमा गैंडाकाे विगविगी वढेकाे छ ।
