भरतपुर, २८ जेठ
प्रधानमन्त्री केपी शर्मा ओलीले देशका क्वारेन्टिनमा देखिएको अव्यवस्था सरकारको लापरबाहीका कारण भएको नभई परिस्थितिले भएको बताएका छन् । प्रतिनिधिसभाको बैठकमा सांसद्हरुले उठाएका प्रश्नको जवाफ दिँदै प्रधानमन्त्री ओलीले राष्ट्रिय विपद् भएकाले भएका स्रोतसाधनले धान्न नसकेको बताए ।
उनले हाल देशभरका ३ हजार ७ सय ६७ क्वारेन्टिनका २ लाख ३५ हजार ५ सय ९६ बेडमा १ लाख ६५ हजा ७ सय ७५ व्यक्ति रहेको उनले जानकारी दिए । विदेशबाट आउनेको संख्याको आधारमा आवश्यक बेड थप्दै जाने उनले बताए ।
