भरतपुर, २५ जेठ
आज मुलुकभर कोरोना भाइरसका २१३ जना नयाँ संक्रमित फेला परेका छन् । पछिल्लो २४ घण्टामा देशका विभिन्न प्रयोगशालामा गरिएका परीक्षणमध्ये ती व्यक्तिहरुमा भाइरस संक्रमण पोजिटिभ रहेको फेला परेको हो ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा सहसचिव डा. विकास देवकोटाले दिएको जानकारीअनुसार अब देशभर कोरोना भाइरसका जम्मा संक्रमितको संख्या ३ हजार ४४८ पुगेका छन् ।
हालसम्म नेपालमा ९६ हजार २०५ जनाको पीसीआर र १ लाख ४५ हजार ४९ जनाको आरडीटी परीक्षण गरिएका छन् । त्यसमध्ये पछिल्लो २४ घण्टामा ३ हजार ७ सय २८ जनाको पीसीआर र ७ हजार ६ सय १४ जनाको आरडीटी परीक्षण गरिएका छन् ।
देशभर हालसम्म कोरोना भाइरसमुक्त भएर ४६७ जना व्यक्ति अस्पतालबाट डिस्चार्ज भएका छन् । पछिल्लो २४ घण्टामा थप १०२ जना डिस्चार्ज भएको डा. देवकोटाले जानकारी दिए ।
