भरतपुर, चैत २२
इलाका प्रहरी कार्यालय टाँडीले अवैध रूपमा लुकाइ राखेको सालको काठ बरामद गरेको छ ।
प्रहरीले आज सुराकीका आधारमा कालिका नगरपालिका वडा नं ६ पाख्रिनटोल निवासी ३८ वर्षीय सन्तवीर पाख्रिनको घर पछाडी रहेको गोदामबाट सालको काठ बरामद गरेको हो । काठको आकार अन्दाजी ६७.१५ क्युबिक फिट रहेको प्रहरीले जनाएको छ ।
काठ बरामद भएपछि प्रहरीले बाबु भनिने सन्तवीर पाख्रिनलाई पनि पक्राउ गरेको छ ।
थप अनुसन्धान एवम् कारवाहीका लागि पक्राउ परेका पाख्रिन र बरामद गरिएको काठलाई समेत जिल्ला वन कार्यालयमा बुझाउने तयारी भइरहेको जिल्ला प्रहरी कार्यालय चितवनले जनाएको छ ।
