भरतपुर, ७ जेठ ।
नारायगढ स्थित आदिकवि भानुभक्त माध्यमिक विद्यालयमा अध्ययनरत पूर्वविद्यार्थीको अग्रसरतमा छात्रवृत्ति एवम् शैक्षिक सामाग्री वितरण गरिएको छ । विद्यालयका ३ जना जेहेन्दार विद्यार्थीलाई छात्रवृत्ति सहित शैक्षिक सामाग्री सहयोग गरिएको छ । ५÷५ हजार नगद र शैक्षिक सामाग्री सहयोग गरिएको हो ।

कक्षा ४ मा अध्यनरत आयुशा श्रेष्ठ, कक्षा ५ मा अध्यनरत निशा चौधरी, कक्षा ६ मा अध्यनरत करिना तामाङलाई नगद सहित शैक्षिक सामाग्री हस्तान्तरण गरिएको छ । मारवाडी युवा मञ्च नारायणगढले सो सहयोग गरेको हो । विद्यालयका सहायक प्रधानाध्यापक टीकाराम सापकोटाको प्रमुख आतिथ्यतामा सहयोग हस्तान्तरण गरिएको हो ।

कार्यक्रममा विद्यालय व्यवस्थापन समितिका संयोजक ऋषिराम कोइराला, मारवाडी युवा मञ्चका निवर्तमान अध्यक्ष संगम अग्रवाल, अध्यक्ष नितेश महेश्वरी लगायतले मन्तव्य राखेका थिए । एल्मुनाइ एसोसियसनकी उपाध्यक्ष सुमिना जोशी र १० जोड २ का संयोजक सञ्जय पाण्डेद्वयले स्वागत मन्तव्य व्यक्त गरेका थिए ।