रत्ननगर, १२ पुस ।

गुरुजी वृजदाश सेवा प्रतिष्ठानको साधारणसभा तथा अधिवेशन मंगलबार श्रीकृष्ण प्रणामी मन्दिर वृजधाम टिकौली परिसरमा सम्पन्न भएको छ । सेवा समितिका कार्यवाहक अध्यक्ष बद्रीप्रसाद ओली प्रमुख अतिथि रहेको कार्यक्रमले विवेक सुवेदीको अध्यक्षतामा नयाँ कार्यसमिति गठन गरेको छ ।
उक्त कार्यसमितिको उपाध्यक्षमा यशोदा लामिछानmे सचिवमा धर्मराज खनाल चयन भएका छन् । कार्यक्रममा श्रीकृष्ण प्रणामी युवा परिषद्का पूर्व उपाध्यक्ष एवं प्राध्यापक शिवराज सुवेदी, जिल्ला संरक्षण मण्डल चितवनका अध्यक्ष पण्डित पुष्पराज खतिवडा, श्रीकृष्ण प्रणामी मन्दिर टिकौलीका पण्डित कुशल शर्मा बराललगायत विशिष्ट व्यक्तिहरुले शुभकामना मन्तव्य व्यक्त गरेका थिए ।
गुरुजी वृजदाश महाराजको ९० औं जन्मोत्सवको आवसरमा आयोजित कार्यक्रम प्रतिष्ठानका अध्यक्ष टीकादत्त बरालको अध्यक्षतामा सम्पन्न भएको प्रतिष्ठानका निवर्तमान सचिव कृष्णराज बरालले जानकारी दिए ।