धु्रवराज खनाल/कायाकैरन
रत्ननगर,६ जेेठ ।
साविक रत्ननगर नगरपालिकाका तीन जना पूर्व वडाध्यक्षहरु पुनः वडाध्यक्षमै निर्वाचित भएका छन् । शुक्रबार सम्पन्न मतपरिणामअनुसार रत्ननगर–४ को वडाध्यक्षमा रवीन्द्रराज अधिकारी, वडा नम्बर १२ को वडाध्यक्षमा वीरबहादुर पाख्रिन र वडा नम्बर १३ को वडाध्यक्षमा चित्रबहादुर भण्डारी निर्वाचित भएका हुन् ।
वि.सं. २०५४ सालको स्थानीय निकायको निर्वाचनमा चौधरी साविक रत्ननगर–४ मा, पाख्रिन साविक रत्ननगर–११ का भण्डारी साविक रत्ननगर–१२ का वडाध्यक्षमा निर्वाचित भएका थिए । स्थानीय संरचना समायोजनमा रत्ननगर–४ यथावत छ भने साविक ९ र १२ मिसाएर १२ तथा साविक १२ र १३ नम्बर वडा मिसाएर हाल रत्ननगर–१३ कायम गरिएको छ । चौधरीले त्यो वेला राप्रपाका उम्मेदवारलाई पराजीत गरेका थिए भने यस पटक नेपाली कांग्रेसका निकटतम प्रतिद्धन्दीलाई हराउँदै दोस्रोपटक वडाध्यक्षमा निर्वाचित भए ।
२०५४ सालमा चौधरी २३ वर्षको उमेरमा वडाध्यक्ष भएका थिए । नेकपा एमालेका उम्मेदवारलाई हराउँदै वडाध्यक्ष वनेका पाख्रिनले यसपटक पनि एमालेकै उम्मेदवारलाई हराए । एमालेका उम्मेदवार पार्वती न्यौपानेको ७७३ र अर्का प्रत्यासी श्याम बरालले ७७१ मत ल्याए । पाख्रिनले भने १ हजार १ सय ८ मत प्राप्त गरे । रत्ननगर नगरपालिका वडा नम्बर ४ का वडाध्यक्षमा निर्वाचित चौधरीले ६८९ मत तथा भण्डारीले १ हजार १ सय ९६ मत पाए । रत्ननगर–४ को महिला सदस्यमा मनुका सापकोटा, दलित महिला सदस्यमा मीरा विश्वकर्मा, खुल्ला सदस्यमा छन्नु महतो र प्रेमप्रसाद रेग्मी निर्वाचित भए ।
रत्ननगर–१२ को महिला सदस्यमा सीता खड्का, दलित महिला सदस्यमा सुस्मिता विक,खुल्ला सदस्यहरुमा ठुलकान्छा तामाङ र भुवन लामिछाने निर्वाचित भए । १२ मा वडाध्यक्षमा निर्वाचित पाख्रीन र विक नेपाली काग्रेश तथा खड्का,तामाङ र लामिछाने नेकपा एमालेका हुन् । रत्ननगर १३ को महिला सदस्य संगिता भण्डारी क्षेत्रीले १ हजार १ सय ६४ मत,महिला दलित सदस्य सीता सार्की नेपालीले १ हजार १ सय ४५ मत, खुल्ला सदस्यहरु अजिता चौरेलले १ हजार २ सय ३९ मत र हुकुम सुयँलले १ हजार १ सय १५ मत प्राप्त गरे । निर्वाचित भएका सुयल नेपाली कांग्रेसका हुन् भने अरु सवै नेकपा एमालेका उम्मेदवार हुन् ।
यसैबीच रत्ननगर नगरपालिकामा अहिलेसम्म सार्वजनिक भएको वडाध्यक्षमध्ये सबैभन्दा कान्छा वडाध्यक्षका रुपमा रत्ननगर–५ बाट कृष्ण महतो निर्वाचित भएका छन् । उनी अहिले २८ वर्ष छन् । निर्वाचित महतोले वडाध्यक्ष मात्रै जितेनन् उनले पूर्व वडाध्यक्ष नेपाली कांग्रेसका सोमलाल चौधरीलाई पराजित गरे । वडाध्यक्ष महतोले ९०६ मत, महिला सदस्यमा भोलादेवी गौडेल ९१८, दलित महिला सदस्यमा मिठे दमिनी ८९७ मत,खुल्ला सदस्यहरुमा साहु महतो ८४१ मत र छन्नु महतो ८६७ मत ल्याएर निर्वाचित भएका छन् ।
यसैबीच नेकपा एमालेका तर्फबाट मेयरका प्रत्यासी लालमणि चौधरीको गाउँ खैरहनी–७ मा नेकपा एमालेले प्यानल नै जितेको छ । एमालेका तर्फबाट वडाध्यक्षमा युवा नेता मनेजर चौधरी ७८७ मतका साथ निर्वाचित भए । त्यस्तै महिला सदस्य अनिता चौधरी ७८७ मत,दलित महिला सदस्य विष्णुमाया विक ७८४ मत र खुल्ला सदस्यहरु मर्ला महतो ७५२ मत र अर्का खुल्ला सदस्य रामकृष्ण पाठक ७४० मतका साथ निर्वाचित भएका खैरहनी नगरपालिकाका सहायक निर्वाचन अधिकृत दिवाकर पौडेलले जानकारी दिए ।
उता राप्ती नगरपालिकामा कब्जा जमाउने प्रयासमा रहेको नेकपा एमालेले थप दुई वटा वडा प्यानलसहित जितेको छ । राप्ती नगरपालिका वडा नम्वर ३ को वडाध्यक्षमा राजकुमार उप्रेती तथा वडा नम्बर दुईको अध्यक्षमा श्यामसुन्दर उप्रेती निर्वाचित भए । यसअघि नेकपा एमालेले वडा नम्वर १,४,५,८,१०,११ र १३ जितिसकेको छ भने नेपाली कांग्रेस वडा नम्वर ९ र १२ मा विजयी भएको थियो । उता कालिका नगरपालिका ३ मा नेकपा एमाले र वडा नम्वर ४ मा नेपाली कांग्रेसको प्यानल निर्वाचित भयो । वडा नम्बर ३ को अध्यक्षमा एमालेका टिकाराज रिजाल र ४ को अध्यक्षमा कांग्रेुका कृष्णकुमार श्रेष्ठ निर्वाचित भएका छन् ।
