भरतपुर, २१ पुस ।
चितवनमा अन्तर्राष्ट्रिय स्तरको फेशनसँग सम्बन्धित `फेशन अनप्लग्ड´को विशेष शो हुने भएको छ । उज्यालो टाईम्स मिडिया एण्ड एडभरटाइजिङ्ग प्रालि र नेपाल डायरिज प्रालिको संयुक्त आयोजनामा पुस २७ गते शनिबार भरतपुर–१२ स्थित स्मार्ट गार्डेन एण्ड रेष्टुरेण्टको प्राङ्गणमा कार्यक्रम हुने आयोजकले जनाएको छ ।
चर्चित तथा लोकप्रिय गायिका एलिना चौहान मुख्य आकर्षणको रुपमा रहने कार्यक्रममा राष्ट्रियस्तरका ख्यातीप्राप्त फेशन डिजाइनर अमित बरालको साथमा आवर क्लोसेट ब्राण्डबाट डिजाइन कलेक्सन र नाड व्याण्डको लाइभ म्युजिकसँगै चर्चित मोडलहरुले रनवेमा आफ्नो जादुमय प्रस्तुति दिनेछन् ।
कार्यक्रममा आशिक ताम्राकार, विकल्पराज श्रेष्ठ, चन्दन विश्वकर्मा, आयुष्मा श्रेष्ठ, सविन मगर, दिव्या रानाभाट, विपन श्रेष्ठलगायतका चर्चित मोडलहरुको समेत सहभागिता रहने छ । कार्यक्रममा सिनियर फेशन कोरियोग्राफर प्रज्ञा तिवारीले ट्रेनिङ गराउनु भएको छ ।
कार्यक्रमको लागि सहयोगी संस्थाको रुपमा दिप केयर फाउण्डशेन नेपाल, दुईप्राङग्रे साधन पार्टनरमा यामाहा, प्रोडक्सन पार्टनरमा शुभ वेइडिङ, मेकअप पार्टनरमा आरती आर्टिस्ट्री, पब्लिसिटी डिजाइनरमा डब्लु थ्री डेभलपर्स, हस्पिटालिटी पार्टनरमा होटल जमघट, इन्टरनेट पार्टनरमा टेकमाइण्ड नेटवर्क रहेको उज्यालो टाईम्सका प्रबन्ध निर्देशक राकेशमान श्रेष्ठले जानकारी दिनुभयो ।
