भरतपुर, १९ कात्तिक ।
चितवन जिल्लाकाे विभिन्न स्थानमा भएकाे सवारी दुर्घटनामा १२ जना घाइते भएका छन् ।
चितवनकाे भरतपुर महानगरपालिका २५ स्थित मिलिजुली चोकमा सिमाना चोकतर्फबाट मिलिजुली चोकतर्फ जाँदै गरेको ना ३५प ८२६७ नम्बरकाे मोटरसाइकल र बिपरित दिशा तर्फबाट जाँदै गरेको बा. प्र.०६-००१ प ११२१ नम्बरकाे मोटरसाइकल ठक्कर खाइ दुर्घटना भएकाे हाे । दुर्घटनामा ना ३५ प ८२६७ नम्बरको चालक भरतपुर बस्ने ५२ वर्षीय प्रदिप महतो बा. प्र.०६-००१ प ११२१ नम्बरको चालक भरतपुर २४ बस्ने २२ वर्षीय बिनिता सिग्देल र साेही माेटरसाइकल पछाडी बस्ने भरतपुर ७ बस्ने १६ वर्षीय अश्रे काफ्ले घाइते भएकाे प्रदेश प्रहरी कार्यालय बागमतीले जनाएकाे छ ।
यसैगरी भरतपुर ९ नम्बर वडा कार्यालय अगाडी प्रदेश १-०२-०४६ प ८९७४ नम्बरकाे माेटरसाइकल र प्रदेश २-०२- ००५ प ६२३० नम्बरको स्कुटर ठोकिएर भएकाे दुर्घटनामा ८९७४ नम्बरकाे चालक बारा घर भई भरतपुर बस्ने ३२ वर्षीय रमेश शाह, साेही माेटरसाइकल पछाडी बस्ने शाहकाे श्रीमती ३० वर्षीय सोनी महत्तो, निजहरुकाे छोरा ८ वर्षीय रिदम शाह तथा ६२३० नम्बरको स्कुटर चालक भरतपुर ९ बस्ने २० वर्षीय ईसान दुरा घाइते भएकाे प्रदेश प्रहरीले जनाएकाे छ ।
यस्तै भरतपुर १५ देवीचोकमा बा.प्र.००२-०३२प ८९३३ नम्बरको मोटरसाइकल र बागमती प्रदेश ०६-००३ प १७८८ नम्बरकाे स्कुटर टोक्किदा भएकाे दुर्घटनामा स्कुटर चालक भरतपुर १५ रामपुर बस्ने १६ वर्षीय हिमान्सु सिंह, मोटरसाइकल चालक भरतपुर ४ लंकु बस्ने ३१ वर्षीय कसम खरेल, मोटरसाइकल पछाडी बस्ने ३५ वर्षीय प्रतिक्षाराज खरेल घाइते भएकाे प्रहरीले जनाएकाे छ ।
भरतपुर ८ गौरीगंञ्जमा घोलपारीबाट ज्योति टोलतर्फ जाँदै गरेको बा.प्र.०३ -००४प ८७२५ नम्बरको स्कुटरले विपरीत दिशाबाट आउँदै गरेको साइकललाई ठक्कर दिँदा साइकल यात्री भरतपुर ८ बस्ने ७५ वर्षीय पदमबहादुर आले, स्कुटर चालक स्थानीय १९ वर्षीय आशिष थापा घाइते भएका छन् ।
