भरतपुर, ३१ भदौ ।
भरतपुरको ग्रीनल्याण्ड पब्लिक स्कुलमा इन्टरयाक्ट क्लब गठन भएको छ । स्कुलमा सोमबार एक कार्यक्रमबीच ग्रीनल्याण्ड इन्टरयाक्ट क्लब गठन भएको हो ।
नवगठित क्लबको अध्यक्षमा विधुशी कार्की चयन भएकी छन् । निर्वाचित अध्यक्षमा ह्यापी पौडेल, उपाध्यक्षमा गोपाल भण्डारी, सचिवमा तनुजा कँडेल, कोषाध्यक्षमा साहिल बन्त थारु, सहसचिवमा पूर्णिमा मण्डल र सर्जेन्ट अफ आर्म्स सफल सिलवाल चयन भएका छन् ।
सामाजिक सेवा निर्देशकमा कृतिका अधिकारी, व्यावसायिक सेवा निर्देशक शुसन्केत पौडेल, अन्तर्राष्ट्रिय सेवा निर्देशकमा रितेश जैसवाल, क्लब सेवा निर्देशकमा सजिना कार्की र सम्पादकमा अस्मित थापा चयन भएका छन् । स्कुलका सहप्राचार्य उपेन्द्र पण्डितले नवगठित क्लबका पदाधिकारीहरुको नाम घोषणा गरेका थिए ।
कार्यक्रमको प्रमुख अतिथिमा डिष्ट्रिक्ट इन्टरयाक्ट कमिटिका अध्यक्ष विपिन पोख्रेल, विशेष अतिथिमा स्कुलकी प्राचार्य इन्दिरा कार्की र अतिथिमा डिएल फेसिलेसन कमिटिका अध्यक्ष सुरेन्द्रनाथ रेग्मी रहेका थिए ।
