मकवानपुर, २५ भदौ ।
मकवानपुरको मनहरी गाउँपालिका वडा नं. ८ सिमपानीमा खोलाले बगाउँदा एक छात्राको मृत्यु भएको छ । मृत्यु हुनेमा स्थानीय युनाइटेड बोर्डिङ स्कुलमा अध्यनरत बर्ष १४ की रितिका भनिने रन्जिता गुरुङ रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार मंगलबार दिउँसो गुरुङ र महेन्द्र किरण माविमा अध्ययनरत वर्ष १७ का छात्र घर फर्कने क्रममा मोरङ्गे खोल्सो तर्ने क्रममा बर्षासँगै आएको बढीले बगाएको हो । उनीहरुमध्ये गुरुङ घटनास्थलबाट करिब २ किलोमिटर तल जनसेवा क्रसर नजिकै मृत अवस्थामा फेला परेको प्रहरीले जनाएको छ ।
संगै बगेका अर्का छात्र भने घाइते भएका छन् । घाइते छात्रको पहिचान खुलेको छैन । उनको मनहरी अस्पतालमा उपचार भइरहेको प्रहरीले जनाएको छ । गुरुङको शव पोष्टमाटर्मको लागि हेटौंडा अस्पतालमा ल्याइएको छ ।
