भरतपुर, १० भदौ ।
कवि एवम् महाकाव्यकार होमनाथ घिमिरेका `मुग्लान´ महाकाव्य र `पथिक´ खण्डकाव्यको लोकार्पण गरिएको छ ।
भरतपुर महानगर प्रज्ञाप्रतिष्ठानका उपकुलपति एवम् कार्यक्रमका प्रमुख अतिथि इन्द्र रेग्मी, लेखकका सासुससुरा, साहित्य सङ्गमा चितवनका अध्यक्ष प्रकाश चापागाईं, प्राज्ञ रामहरि श्रेष्ठ, रामहरि शर्मा र केशवराज आमोदीले पुस्तक लोकार्पण गरेका हुन् ।
लोकार्पण कार्यक्रमपछि मुग्लान महाकाव्यमाथि लकाश पौडेल र पथिक खण्डकाव्यमाथि विदुर अधिकारीले समीक्षात्मक टिप्पणी राखेका थिए ।
कार्यक्रममा राजेन्द्र घायलले स्वागत मन्तव्य राखेका थिए भने पोषराज पौडेल, बलराम घिमिरे, केशवराज आमोदी, डाक्टर धनेश्वर भट्टराईलगायतले शुभकामना मन्तव्य राखेका थिए । कार्यक्रमलाई विष्णुदेवी तिवारीले सहजीकरण गरेकी थिइन् ।
