मकवानपुर , ७ भदौ ।
मकवानपुरको हेटौंडामा सवारी दुर्घटना हुँदा ३ जना घाइते भएका छन् ।
शुक्रबार बिहान पूर्व पश्चिम राजमार्ग अन्तर्गत हेटौंडा – ९ मास्टर चोकमा पथलैयाबाट हेटौंडा जाँदै गरेको एनएल ० एन एल २९७१ नम्बरको भारतीय ग्याँस बुलेटले विपरीत दिशाबाट आउँदै गरेको ग. ३ च ८४४९ नम्बरको कारलाई ठक्कर दिँदा कारमा सवार ३ जना घाइते भएका हुन् ।
पोखराबाट नर्सिङको परीक्षा दिने परिक्षार्थी लिएर वीरगन्ज गइरहेको भ्यान दुर्घटनामा परेको जिल्ला प्रहरी कार्यालय मकवानपुरले जनाएको हो ।
घाइतेलाई उपचारको लागि सन्चो अस्पताल हेटौंडा लगिएको छ । प्रहरीले दुर्घटनामा परेका दुवै सवारीसाधनलाई नियन्त्रणमा लिएको छ । भ्यानलाई ठक्कर दिएको ग्याँस बुलेटका चालक भने फरार रहेको र उनको खोजी भइरहेको जनाइएको छ ।
घाइतेहरूमा भ्यान चालक स्याङ्जा अर्जुनचौपारी नगरपालिका १ बस्ने ३३ वर्षीय चुडा बहादुर बिष्ट, कारमा सवार महानगरपालिका ११ बस्ने ६३ वर्षीय पुरण श्रेष्ठ र लमजुङ बेसीसहर नगरपालिका ८ बस्ने १७ वर्षीय नेहा राना मगर रहेका छन् ।
