भरतपुर, ४ भदौ ।
युवा गजलकार रामकृष्ण अनायासको गजलवाचन कार्यक्रम `गजल साँझ´ हुने भएको छ । अक्षर समूह चितवनले यहि भदौ ८ गते शनिबार भरतपुरमा गजल साँझ कार्यक्रम गर्न लागेको हो ।
अक्षर समूह चितवनका अध्यक्ष रमेश प्रभातले मोती जयन्तीका सन्दर्भमा गजल वाचन कार्यक्रम राखिएको बताए । `१५९ औँ मोती जयन्ती मनाउने सन्दर्भमा यसपटक हामीले गजल बिधालाई पनि हाम्रो कार्यक्रम भित्र समेटेका छौँ´, अध्यक्ष प्रभातले भने – `चितवन गजल बिधाले सुपरिचित जिल्ला हो तर हिजोआज यहाँ गजलका गतिविधि कम हुन थालेको हामीलाई महसुस भएको छ । चितवनको गजललाई हामी चलायमान गराउन चाहन्छौँ ।´
भदौ ८ गते शनिबार दिउँसो ४ बजे भरतपुर-१० चौबीसकोठी नजिकै होटल शुभममा कार्यक्रम हुँदैछ । उक्त कार्यक्रममा गजलकार रामकृष्ण अनायासले गजलहरू प्रस्तुत गर्नेछन् ।
