भरतपुर, १५ साउन ।
लायन्स क्लब अफ नारायणगढ दियालो, लियो क्लब अफ नारायणगढ दियालो र कृष्ण केशव फाउन्डेसनको संयुक्त आयोजनामा भरतपुर- ११ वसेनीस्थित गणेशधाम मन्दिरको परिसरमा वृक्षरोपण गरिएको छ ।
लायन्स क्लब अफ नारायणगढ दियालोका अध्यक्ष लायन असिम हमालको अध्यक्षतामा सम्पन्न उक्त कार्यक्रमको प्रमुख अतिथि लायन्स डिस्ट्रिक्ट ३२५ आर नेपालका डिस्ट्रीक्ट गभर्नर पीएमजेएफ लायन दिनानाथ न्यौपाने थिए । क्लब स्थापनाको २३ वर्षको अवसरमा बिरुवा संरक्षण गर्नको निम्ति २३ वटा सुरक्षा केज पनि प्रदान गरिएको थियो । वृक्षरोपण कार्यक्रममा केजको सौजन्य जिडब्ल्यू डेन्टल केयर, लक्ष्मीनारायण ट्रेडिङ, ओम कलर हाउस, बाबुलाल गुरुङ, चितवन आँखा अस्पताल, मनकामना अस्पताल, माइक्रो नेट कम्प्युटर, एक्सेसरिज हप, मुक्तिनाथ अटो ट्रेडिङ थिए ।
