भरतपुर, ४ जेठ ।
शिक्षालाई व्यवहारसँग जाेड्ने उद्देश्यअनुरूप भरतपुर महानगरपालिका वडा नम्बर- ८ स्थित पाेलरस्टार इङ्लिस स्कुलले नमुना मतदान कार्यक्रम सम्पन्न गरेकाे छ । विद्यालयमा छात्रछात्रा प्रमुख तथा चारै हाउसका क्याप्टेन तथा भाइस क्याप्टेनको छनाेट पनि गरिएको छ ।

जसअन्तर्गत हरियो सदनबाट एरोन थापा र सारिका कंडेल सदन नायकका रूपमा छानिएका छन् । त्यसैगरी पहेँलो सदनमा संरचन केसी र मासिका थापा , निलो सदनमा अस्मी कंडेल र सन्देश सुवेदी, रातो सदनमा जेनिशा ढकाल र दिक्षा अर्याल नायकका रूपमा छानिएका

विद्यालयका अतिरिक्त क्रियाकलाप प्रमुख बुद्धिसागर कँडेलका अनुसार कक्षा ५ देखि १० सम्मका विद्यार्थीहरूको सहभागितामा नमुना मतदान कार्यक्रम गरिएको छ ।

शुक्रबार गरिएको मतदान कार्यक्रमका लागि निर्वाचन कार्यालय भरतपुरबाट ४ ओटा मतपेटिका ल्याएर निर्वाचनका लागि चाहिने सम्पूर्ण प्रक्रिया अवलम्बन गरिएकाे थियाे प्रधानाध्यापक दयानिधि अर्यालले बताए । साे निर्वाचनबाट छात्रतर्फ कक्षा ९ का पृथक शर्मा र छात्रातर्फ साेही कक्षाकी जेनिशा पाैडेल निर्वाचित भएका थिए ।