मकवानपुर, २८ चैत ।
कोशी प्रदेश हेटौंडामा जारी अन्तर प्रदेश राष्ट्रिय खेलकुद २०८० पुरुष फुटबल प्रतियोगिताको फाइनलमा प्रवेश गरेको छ ।
हेटौँडा–६ स्थित गौरीटार बहुउद्देश्यीय रङ्गशालामा भएको तेस्रो दिनको खेलमा कोशी प्रदेशले सुदूरपश्चिम प्रदेशलाई २-० गोल अन्तरले पराजित गरेको हो ।
खेलमा कोशी प्रदेशका निखिल तामाङ र आभिशेक बिकले १-१ गोल गरेका हुन् । खेलमा उत्कृष्ट प्रदर्शन गरेका कोशी प्रदेशका कमल खवास म्यान अफ द म्याच घोषित भएका छन् ।
बागमती प्रदेश खेलकुद विकास समितिको आयोजना एवम् बागमती प्रदेश सामाजिक विकास मन्त्रालयको व्यवस्थापनमा यो प्रतियोगिता भएको हो।
