गैंडाकोट, १४ फागुन ।
नेपाल रेडक्रस सोसाइटी गैंडाकोट आदर्श उपशाखा, रोटरी क्लब अफ गैंडाकोट र गैंडाकोट नमुना माध्यमिक विद्यालय/ कलेजको संयुक्त आयोजनामा सोमबार खुला रक्तदान कार्यक्रम सम्पन्न भएको छ ।
गैंडाकोट वडा नम्बर २ का अध्यक्ष प्रकाश सापकोटाको प्रमुख आतिथ्यमा भएको रक्तदान कार्यक्रममा २२ महिला सहित ७९ जनाले रक्तदान गरेका थिए । गैंडाकोट आदर्श उप-शाखा अध्यक्ष उमाकान्त सापकोटाको सभापतित्वमा भएको कार्यक्रममा नेपाल रेडक्रस सोसाइटी आदर्श उप-शाखाका तर्फबाट डोलराज पाण्डे, रोटरी क्लब अफ गैंडाकोटका तर्फबाट श्रीनिवास पौडेल र गैंडाकोट नमुना माध्यमिक विद्यालय/ कलेजका तर्फबाट एसके न्यौपानेले स्वागत मन्तव्य राखेका थिए ।
कार्यक्रममा प्रताप कोइराला, हस्तबहादुर सुनार, सीता सापकोटा, बेदप्रसाद गौडेल, लक्ष्मी पाण्डे, कपिल न्यौपानेलगायतका अतिथि रहेका थिए ।
११७ औं पटक रक्तदान गरेका रक्तदाता खुमनाथ पौडेल र ११२ औँ पटक रक्तदान गरेका सन्तोष वाग्लेलाई ब्लड ब्याग वितरण गर्दै कार्यक्रमको सुरुवात गरिएको थियो । दिनेश पौडेलको संयोजकत्वमा भएको कार्यक्रम विष्णु सापकोटाले सहजीकरण गरेका थिए ।
